Ծաղկեփունջը, որը Մոսկվայում կայացած հանդիպման ժամանակ ՌԴ նախագահը նվիրել է Գերմանիայի կանցլեր Անգելա Մերկելին, կարող է պատմել ռուս առաջնորդի բնավորության մասին, ենթադրում է չինական Sohu թերթը:
Ռուսաստանի նախագահը նախկինում եւս ծաղիկներ է նվիրել գործընկերոջը: 2018-ի մայիսին Սոչի Մերկելի աշխատանքային այցի ժամանակ նույնպես Պուտինը նրան ծաղկեփունջ էր նվիրել: Սակայն գերմանական ԶԼՄ-ները քննադատել էին նախագահի ժեստը՝ գրելով, որ այս կերպ Պուտինը «վիրավորել է» Մերկելի արժանապատվությունը՝ նրան հիշեցնելով, որ նա կին է, եւ մատնանշելով, որ ինքն է «համաշխարհային քաղաքական ասպարեզի տերը»:
Չնայած դրան, չինական թերթը այս ծաղկեփնջի մեջ վիրավորանքներ չի տեսնում:
Հոդվածում նշվում է, որ նվիրված ծաղիկները խոսում են «ուժի ու կեցվածքի» եւ «սենտիմենտալության» համադրության մասին: «Սա Պուտինի ռոմանտիզմն է, հուզական ինտելեկտը, որը լրացնում է նրա բարձր IQ-ն», -գրում է Sohu-ն:
Ուրբաթ օրը Կրեմլում Անգելա Մերկելի եւ Ռուսաստանի նախագահ Վլադիմիր Պուտինի միջեւ տեղի են ունեցել բանակցություններ, որոնք տեւել են գրեթե երեք ժամ:
English
Русский
