Չավուշօղլուն հայտարարություն տարածեց

Թուրքիան անվերապահորեն պաշտպանում է Ուկրաինայի տարածքային ամբողջականությունը և անհրաժեշտ է համարում աշխատել ոչ միայն նրա, այլև Ռուսաստանի հետ։ Այս մասին երեքշաբթի օրը Անկարայում կայացած մամուլի ասուլիսում հայտարարել է Թուրքիայի արտգործնախարար Մևլութ Չավուշօղլուն։

«Իհարկե, մենք վճռականորեն աջակցում ենք Ուկրաինայի սահմանին և տարածքային ամբողջականությանը: Բայց մենք կարծում ենք, որ պետք է աշխատենք երկու կողմերի հետ հումանիտար նպատակներով: Մենք դրական ենք համարում, որ նրանց միջև բանակցությունները շարունակվում են»,- ընդգծել է նա:

Բացի այդ, Չավուշօղլուն ասել է, որ երեքշաբթի կամ չորեքշաբթի սպասվում է Թուրքիայի քաղաքացիների տարհանում Մարիուպոլից, որտեղ կա «մոտ 100-110 Թուրքիայի քաղաքացի»։