Պատմաբան Վահե Սարգսյանը ֆեյսբուքյան իր էջում գրել է. «Հայությանն Արևմտյան Հայաստանում մորթելու փաստից չափազանց գոհ դեմքի ժպիտով, «Գորշ գայլերի»՝ Մեծ թուրանի խորհրդանիշն Ուրուգվայի հայերին ցույց տված Չավուշօղլուն չափազանց անկեղծ է. նա պարզ ասում է՝ այս նշանի տակ մորթվելու եք նաև Արևելյան Հայաստանում ապրողներդ, երբ մի հարմար պահի իրագործենք Թուրանի ստեղծումը:
Չափազանց անկեղծ է նաև ՀՀ-ում ժամանակավորապես իշխող դավաճանական խունտան. նա ողջ ուժով օգնում է թուրքերին՝ ստեղծելու Մեծ թուրանը, և Չավուշօղլուն մի ժեստով լոկ հօդս ցնդեցրեց ստրկամիտ խունտայի՝ «խաղաղության դարաշրջանի» և այլ զավեշտների մասին բարբաջանքները:
Չափազանց անկեղծ են նաև Թուրքիայի և Ադրբեջանի դրոշն այրելը ծաղրող կամ թունոտ քննադատողները. նրանք խունտայի պարզ հետևորդներ են, նայած՝ ում որքան է հաջողվում թաքցնել դա՝ «դիվանագետի», «գիտնականի», «ուսուցչի» կամ այլ կոչման տակ: Հետևաբար՝ խունտային վռնդելուց հետո պետք է այս թարախակալված սուբյեկտներին ևս «բուժել», որոնց քանակն, ի դեպ, իրենց բարձրացրած աղմուկին հակադարձ համեմատական կերպով քիչ է»։