Ռումինիայի մայրաքաղաք Բուխարեստում գրեթե 100 մարդ է մասնակցել իշխանությունների դեմ անցկացված բողոքի ակցիային, որի համար պատճառ է դարձել կորոնավիրուսի համավարակի պատճառով սահմանափակող միջոցառումների ձեռնարկումը: Այս մասին ТАСС-ի հաղորդմամբ՝ հայտնում է Agerpres գործակալությունը:
Ցույցի մասնակիցները պահանջել են կորոնավիրուսի գոյության, դրանով վարակման և դրա պատճառով մահվան դեպքերի վերաբերյալ ապացույցներ ներկայացնել: Նրանք հայտարարել են, թե սահմանափակող միջոցառումները ձեռնարկվել են Սահմանադրության խախտմամբ, քննադատել են հակասական օրենսդրությունն ու մամուլի գրաքննությունը, ինչպես նաև հանդես են եկել կոչերով՝ «Հրաժարական», «Ռումինիա՛, արթնացիր»:
Հաղորդվում է, որ ցույցն անցկացվել է գործող կարանտինային կարգի խախտմամբ. մասնակիցները խմբված են եղել թվով թույլատրելի 3 մարդուց ավել, բացի դա չեն եղել դիմակներով և ձեռնոցներով, չեն պահպանել սոցիալական հեռավորություն:
English
Русский
