English
Русский
Ամերիկացի գործարար Բիլ Գեյթսը շրջակա միջավայրի աղտոտման ու կլիմայական փոփոխությունների հետևանքներն անվանել է ավելի սարափելի աղետ, քան կորոնավիրուսը: Այս մասին հաղորդում է Lenta.ru-ն:
Միլիարդատերն իր բլոգում հրապարակած հոդվածում կանխատեսել է, որ կլիմայական աղետը տեղի կունենա արդեն առաջիկա տասնամյակում:
Microsoft-ի հիմնադիրը կարծիք է հայտնել, որ արդեն տասնյակ տարիներ անց էկոլոգիայով պայմանավորված համաշխարհային ճգնաժամը կցնցի մոլորակը:
Գեյթսը նշել է, որ մարդկությունը պետք է սպասի մահացության թվի մեծացման և տնտեսական բարդությունների: «Որքան էլ սարսափելի լինի համավարակը, կլիմայական փոփոխությունները կարող են ավելի վատը լինել»,- գրել է գործարարը՝ առաջարկելով արմատապես նվազեցնել մթնոլորտ արտանետվող ջերմոցային գազերի ծավալը:
Իր տեսլականը Գեյթսը բացատրել է այն հանգամանքով, որ էկոլոգիայի վատթարացմամբ պայմանավորված մահերն ու տնտեսական խնդիրները մարդկությանը շատ ավելի երկար կհետապնդեն, քան «Քովիդ-19»-ի համավարակը: Ձեռնարկատիրոջ գնահատմամբ՝ 40 տարում ջերմաստիճանի բարձրացման հետևանքով մահացությունը մոլորակի վրա կհամեմատվի կորոնավիրուսից մահացության ցուցանիշի հետ՝ մոտ 14 մահ 100 000 բնակչի հաշվով:
