Բայդենը «հերթ կանգնեցրեց» Պուտինին

iPress.am- ԱՄՆ նախագահ Ջո Բայդենը արձագանքել է Ռուսաստանի նախագահ Վլադիմիր Պուտինի բանավիճելու առաջարկին։ Նախագահ Բայդենը ասել է, որ ինքն ու Պուտինը միասին կխոսեն ինչ որ պահի։ Այս արձագանքից հետո Սպիտակ տունը հստակեցրել է, որ երկու նախագահները կխոսեն, երբ գա հարմար պահը։

Հիշեցնենք, որ Բայդենը օրերս դրական էր պատասխանել լրագրողի հարցին՝ մարդասպան համարո՞ւմ է Պուտինին, իր հերթին Պուտինը հակադարձել էր եւ առաջարկել բանավիճել ուղիղ ռեժիմով:

Ավելի վաղ, Սպիտակ տունը հայտարարել էր, որ Բայդենը կխոսի Էրդողանի հետ, երբ գա հարմար պահը: Բայդենն այսպիսով «հերթ կանգնեցրեց» Պուտինին, Էրդողանի հետ միասին: Ռուսաստանի ու Թուրքիայի հանդեպ ամերիկյան նոր վարչակազմը որդեգրել է բավական կոշտ դիրքորոշում, ի տարբերություն Թրամփի, որը, ինչպես գրում է ամերիկյան Ինսայդերը, «այդ բոլոր տղաներին՝ Էրդողանին, Պուտինին, Բիբիին (Նաթանյահու) հավասարի պես էր վերաբերվում, եւ նրանք բոլորը սկսեցին հավատալ, որ այդպես էլ կա»:

Lragir.am