«Սուրբ Գրիգոր Լուսավորիչ» ԲԿ-ի տնօրեն Արման Հովակիմյանը պարետատան նիստից հետո՝ ճեպազրույցի ժամանակ հայտնեց, որ հիվանդանոցը մինչ օրս ընդունել է կորոնավիրուսով վարակված շուրջ 1470 պացիենտ, որոնցից 450 եղել են ծանր և ծայրահեղ ծանր:
Հովակիմյանը նշեց, որ «Սուրբ Գրիգոր Լուսավորիչ» ԲԿ-ն այսօր համարվում է իր մահճակալային ֆոնոդով ամենամեծը Հայաստանի Հանրապետությունում:
«ԲԿ-ն ունի մոտ 500 մահճակալ, որոնցից 80 մահճակալը վերակենդանացման բաժանմունքի մահճակալային ֆոնդն է կազմում, 420-ը՝ ընդհանուր բաժանմունքների: Այսօր 95 տոկոսով զբաղված են վերակենդանացման բաժանմունքում և մոտավորապես 80 տոկոսով՝ ընդհանուր բաժանմունքներում»,- ասաց նա՝ հավելելով, որ ծանր պացիենտները կարիք ունեն վերակենդանացման բաժանմունքի ծառայությունների, որը ամենասուղն է այս օրերի համար:
Հիվանդանոցի տնօրենը և ՀՀ վարչապետ Նիկոլ Փաշինյանը կրկին հորդորեցին պահպանել պարետատան կողմից սահմանված կանոնները՝ կրել դիմակներ, պահպանել սոցիալական հեռավորություն և պաբերաբար ախտահանել ձեռքերը:
English
Русский
