Այս պահին հարավային ուղղությամբ թեժ մարտեր են ընթանում. Արծրուն Հովհաննիսյան. Տեսանյութ

Այսօր մի քանի անգամ Արցախի քաղաքները՝ Ստեփանակարետը, Շուշին, Հադրութը և այլ բնակավայրեր ենթարկվել են աբրեջանական զինված ուժերին հրետակոծություններին  և հրթիռակոծություններին, կան տուժածներ: Հայկական միասնական տեղեկատվական կենտրոնում ասաց պաշտպանության նախարարության ներկայացուցիչ Արծրուն Հովհաննիսյանը:

«Ողջ օրվա ընթացքում ամբողջ սահմանի երկայնքով հատկապես հարավային ուղղությամբ, ընթացել են համառ և դժվարին մարտեր, այս պահին էլ շարունակվում են: Ճիշտ է, մեր Զինված ուժերը ունեն հաջողություններ, բայց մարտերը դժվար են, ծանր են»,-ասաց նա:

Արծրուն Հովհաննիսյանն ասաց, որ հակառակորդը կորցրել է զգալի թվով տեխնիկա, և նույնիսկ հրապարակել է տեսանյութ, որտեղ երևում է, թե ինչպես է հակառակորդի շարասյունը գլխովին ջախջախվում և փախուստի դիմում, նման հարված հասցրել են ռազմաճակատի տարբեր ուղղություններով:

Հարցին, թե առավոտյան հայտարարեցիք, որ հակառակորդը Իրանի սահմանամերձ ուղղություններով սադրիչ գործողությունների է դիմում և երեկոյան արդեն տեղեկեություն եղավ, որ, դիմելով փախուստի, հակառկարոդի զորքերը Իրանի տարածքում են պատսպարվել: «Նման բաներ լինում են ընդհանրապես և շատ ուրախ ենք, որ Իրանի Զինված ուժերը և քաղաքական ղեկավարությունը ձեռնարկում են կոնկրետ քայլե այդ ամենի մասով»,-ասաց նա: