Hraparak.am- ը գրում է. Վայքում «Հայաստան» դաշինքի ղեկավար Ռոբերտ Քոչարյանը հիշեց ԵԿՄ նախագահ, իմքայլական պատգամավոր Սասուն Միքայելյանի հայտարարությունը` արված 2018-ի ապրիլյան իրադարձությունների ժամանակ: Բայց Միքայելյանի անունը չտվեց:
«Ժամանակին իմքայլական մի պատգամավոր կար, որ հայտարարեց, թե հեղափոխությունն ավելի կարևոր էր, քան արցախյան պատերազմը:
«Այ դրանից սկսվեց մեր պարտությունը: Եվ դրանից հետո Ղարաբաղի պաշտպանության բանակի հրամանատար Լևոն Մնացականյանը հայտարարություն արեց և քննադատեց նրան: Ի՞նչ կատարվեց դրանից հետո. մի շաբաթ հետո հանեցին աշխատանքից»,-ասաց Քոչարյանը` նշելով, որ դրանից հետո էլի մի շարք հրամանատարներ են հանել աշխատանքից:
Նա նաև շեշտեց, որ այսօր էլ իրենց քարոզը չանելու կամ չեզոք դիրք պահպանելու համար, այս իրավիճակում հանում են աշխատանքից երկու գնդերի հրամանատարների` զարմանալով, որ այս խայտառակ պարտությունից հետո անգամ խելքի չեն եկել:
English
Русский
