31-ամյա աղջիկը ընկել է 35 մետր բարձրությունից (լուսանկարներ)

Միջազգային Ipress 2020-05-01 01:23:00 8376

Ղազախստանից Օլեսյա Սուսպիցինան թուրքական Անթալիա քաղաքում ընկել է 35 մետրանոց ժայռից և մահացել ընկերուհու աչքի առաջ, որը պատրաստվում էր լուսանկարել նրան: Այս մասին տեղեկացնում է Daily Mail պարբերականը:

Դեպքը տեղի է ունեցել ապրիլի 26-ին, երբ կառավարությունը չեղարկել է քաղաքում սահմանված կարանտինը: Հաղորդվում է, որ ընկերուհիները մի քանի շաբաթ տանը մնալուց հետո գնացել էին զբոսնելու Դյուդենի պարկում, որը հայտնի է իր գեղեցիկ ջրվեժներով:

Զբոսանքի ընթացքում Օլեսյան որոշել է լուսանկարվել ջրվեժների ֆոնին` կանգնելով ժայռի ծայրին: Նա անցել է պաշտպանիչ ցանկապատի վրայով և սկսել է լուսանկարվելու համար դիրքեր ընդունել: Հանկարծ նա սայթաքել է և 35 մետրանոց ժայռից ցած ընկել:

Վախեցած ընկերուհին հատուկ ծառայություններ է զանգահարել: Ավելի ուշ փրկարարներն Օլեսյայի մարմինը դուրս են բերել ջրից:

Զոհի հարազատների խոսքով՝ թուրքական ոստիկանությունն ուսումնասիրել է գործը և հաստատել, որ տեղի ունեցածը դժբախտ պատահար է եղել:

Օլեսյան վերջին 5 տարին Անթալիայում որպես գիդ էր աշխատում:

Later Olesya's body was found and pulled out of the water by local rescuers