Ավիավթար. ուղղաթիռ է կործանվել. օդաչուն զոհվել է

iPress.am-Մեքսիկայի Ապոդակա քաղաքի մայրուղու վրա Augusta 109 թեթևշարժիչային ուղղաթիռ է ընկել և հրդեհվել։ Վթարի վայրում հայտնաբերվել է օդաչուի մարմինը, հայտնում է «ՌԻԱ Նովոստի» լրատվական գործակալությունը՝ հղում տալով քաղաքացիական պաշտպանության պետական ծառայությանը։

«Ապոդակա քաղաքի Լարեդո մայրուղու 19-րդ կիլոմետրի վրա գտնվող ռազմաբազայի հետևում ուղղաթիռ է ընկել և հրդեհվել․ հայտնաբերվել է մարմին», - գրված է ծառայության թվիթերյան հաշվում հրապարակված հաղորդագրության մեջ։

Քաղաքացիական պաշտպանության տնօրեն Միգել Անխել Պերալեսը հայտնել է, որ մահացածը «Հյուսիսային» օդանավակայանից Մոնտերեյ ուղևորվող Augusta 109 ուղղաթիռի օդաչուն է:

Վթարի վայրը շրջափակված է, մայրուղու երթևեկությունը՝ արգելափակված․ տեղում շարունակվում են  որոնողափրկարարական աշխատանքները: