Կանխատեսվում է աշխարհի ամենակարևոր ապրանքներից մեկի պակասուրդ

iPress.am- Աշխարհում վերջանում է ամենակարևոր ապրանքներից մեկը՝ ավազը: Այն համարվում է ջրից հետո ամենապահանջված ռեսուրսը, գրում է CNBC- ն: Ավազը հիմնական նյութն է, որն օգտագործվում է ճանապարհների, կամուրջների կառուցման, ինչպես նաև ապակու, սիլիկոնե չիպերի և այլնի արտադրության մեջ: Աշխարհն արդեն կանգնած է դրա պակասուրդի առջև, ինչը կդառնա 21-րդ դարի ամենամեծ մարտահրավերներից մեկը, կանխատեսում են փորձագետները:

«Մենք երբեք չէինք մտածում, որ մեզ մոտ կվերջանա ավազը, բայց որոշ տեղերում դա արդեն տեղի է ունենում», – ասել է ՄԱԿ-ի կլիմայագետ Պասկալ Պեդուցին: Մեկ տոննա ցեմենտի արտադրության համար անհրաժեշտ է 10 տոննա ավազ: Սա նշանակում է, որ միայն շինարարության համար տարեկան սպառվում է 40-ից 50 միլիարդ տոննա ավազ:

Դրա օգտագործման համաշխարհային տեմպերը, որոնք վերջին երկու տասնամյակների ընթացքում եռապատկվել են, գերազանցում են համալրման բնական մակարդակը: Մասնագետները նշում են, որ ավազն «ընկալվում է որպես էժան, մատչելի և անվերջ արտադրանք, բայց դա այդպես չէ»: Բնակչության աճը և քաղաքաշինությունը կարող են էլ ավելի մեծացնել այս ապրանքի պահանջարկը: