Առողջապահության նախարար Անահիտ Ավանեսյանը հրաժարական կտա. մանրամասներ

ArmDaily.am-ի տեղեկություններով՝ Առողջապահության նախարարի պաշտոնակատար Անահիտ Ավանեսյանը բավականին ծանր հոգեբանական վիճակում է՝ պատերազմում զոհված մեր զինվորների մասունքների պահպանման ոչ պատշաճ պայմաններում պահելու մասին լուսանկարի հրապարակումից հետո։

Մասնավորապես, մեր տեղեկություններով, լուսանկարի հրապարակումից հետո մասսայական դժգոհության, անեծքների ու հայհոյանքների նամակներ են ուղարկվել Ավանեսյանին, ինչը նա բավականին ծանր է տարել։ Տեղեկություններ կան, որ նա ոչ ոքի չի ընդունում և որոշել է հրաժարական տալ։

Հատկանշական է, որ Ավանեսյանի դեմ սկսված արշավին իշխանության ֆեյքերն ու աջակիցները չեն արձագանքում և չեն պաշտպանում նրան։

Աղբյւրիի հետ զրույցում Առողջապահության նախարարության մամուլի քարտուղար Հռիփսիմե Խաչատրյանն ասաց, որ հրաժարականի մասին լուրերը իրականությանը չեն համապատասխանում։