«Արծրունյան» ստերի հետևանքով հայությունը գլխիկոր է. շատերը դիմել են ՀՀ քաղաքացիությունից հրաժարվելու համար. Իրանի հայ համայնքի ներկայացուցիչ

Իրանի ֆիզիկական կուլտուրայի ինստիտուտի շախմատի բաժնի դասախոս և Իրանի պատանեկան հավաքականի մարզիչ Մանվել Ավետիսյանն իր ֆեյսբուքյան էջում գրել է, որ Իրանի հայ համայնքը վերջին օրերին գլխիկոր է, քանի որ 40 օր շարունակ հավատացել է այն տեղեկություններին, որոնք հրամցրել է ՀՀ ՊՆ ներկայացուցիչ Արծրուն Հովհաննիսյանը, իսկ այժմ շատերը դիմում են դեսպանատուն՝ ՀՀ քաղաքացիությունից հրաժարվելու համար։ 

«Ներկա պահին գտնվում եմ Իրանում։ Արդեն 3 օր է՝ տեղի հայ համայնքը գետինն է մտնում Հայաստանից եկող լուրերից, գլխիկոր է մտնում հարևանությամբ գտնվող թորքի (Իրանում կան մոտ 20 միլիոն թուրքալեզու անձինք) խանութ, որովհետեվ ամբողջ Իրանի հայությունը ուղիղ 40 օր հավատացել է «Արծրունյան» նորություններին … արդեն շատ-շատերը դիմել են դեսպանատուն՝ իրենց ՀՀ քաղաքացիությունը չեղարկելու համար, այնքան մեծ է ամոթն ու զայրույթը այդ մարդկանց մոտ։

Ու, կխնդրեմ, թող ոչ ոք տեղի հայ համայնքին չպիտակավորի (երեվի մինչեվ հիմա մի քանի միլիոն դոլլարի օգնություն են ուղարկել), ու ոչ էլ փորձվեն իմ ՖԲ Նիկոլամետ ընկերները ինձ թիրախավորեն (արժանի՝ « զգետնող» պատասխան կստանան)։ հ.Գ . նիկոլ - հեռացիր», - գրել է Ավետիսյանը։