iPress.am -Մարտի 1-ին վրաերթի հետևանքով մահացել էր «Քաղաքը», «Վարդապետը» վավերագրական ֆիլմաշարերի հեղինակ, սցենարիստ, բազմաթիվ հիթերի հեղինակ Սոսի Խանիկյանը:
Սոսի Խանիկյանը Սևակ Խանագյանի «Արցախ» երգի տողերի հեղինակն է, որը թե պատերազմի օրերին, թե հիմա լսում ենք հաճախ ու հուզվում։
Նրա մայրը՝ Էսթեր Խանիկյանը, միակ դստեր վերաբերյալ պարբերաբար գրառումներ է անում:
Starnews-ն առանձնացրել է նրա գրառումներից մի քանիսը, որոնք առանց հուզվելու հնարավոր չէ կարդալ:
«Երկու ամիս է, արևս, մեզ հետ չես, կարոտը խեղդում է»:
«Սիրելիներս, խնդրում եմ առավոտյան միասին աղոթենք իմ աղջկա հոգու համար»:
«Վախճանիցդ հետո երեկ քո հոգու երկրային կյանքի քառասուն օրը լրացավ: Երեկ երեկոյան և ամբողջ գիշեր բնությունը լացում էր քո հրաժեշտի համար: Դու գնացիր դեպի հավերժություն, դեպի Աստծու լուսավոր հովանու ներքո գտնվող հանգրվանը: Ես սիրում ու կարոտում եմ քեզ հրեշտակս, արև աղջիկս: Կհանդիպենք երկնքում»:
English
Русский
