«ԱՄՆ-ում արդեն խուճապ է սկսվում». Հայկ Մարտիրոսյան

«ԱՄՆ-ում արդեն խուճապ է սկսվում». Հայկ Մարտիրոսյան

Քաղաքական Ipress 2020-03-10 14:32:00 750
Հետևեք մեզ՝ Telegram-ում
amn-um-arden-xutchap-e-sksvum-n173269-1_nJ93B.jpg

Քաղաքագետ Հայկ Մարտիրոսյանը ֆեյսբուքյան իր էջում գրել է. «Ֆարիդ Զաքարիան քիչ առաջ CNN America-ի եթերում հայտարարեց, որ իր կարծիքով այս համաճարակն այլևս պանդեմիա է: Եվ նա միակը չէ: Ռիչարդ Քուսեսթն իր հերթին հայտարարեց, որ համաշխարհային ծանր ճգնաժամն այլևս անխուսափելի է:

ԱՄՆ-ը, ըստ ամերիկյան բազում մասնագետների և բժշկական ու հասարակական կազմակերպությունների, զարգացած Արևմուտքում ամենավատ և ամենաթույլ արձագանքն է տալիս կորոնավիրուսին, որովհետև, ըստ նրանց, նախագի վարչակազմը մտահոգ է ոչ թե քաղաքացիների առողջությամբ, այլ այս նախընտրական տարում տնտեսական ցուցանիշների անկմամբ և խուճապ թույլ չտալու հարցով:

Մինչդեռ խուճապ ԱՄՆ-ում արդեն սկսվում է: Հիվանդությունն այստեղ տարածվում է մեծ արագությամբ և ըստ տարբեր տվյալների` առկա է անգամ հայաշատ հատվածներում:

Բոլոր մասնագետները միաձայն և համակարծիք են, որ ԱՄՆ-ի ցածր վարակվածների թվերը պայամանավորված են միայն նրանով, որ թեստավորել են ընդամենը երեք հազար հոգու, իսկ Ասիայում և Իտալիայում` տասնյակ անգամներ ավելի շատ:

Կարծես թե, ամենանհեթեթ, ամենախելագար, ամենահանցավորաբար անտեսվող իրավիճակը Հայաստանում է: Հասրաակության կրթական ցենզն ընդհանուր առմամբ այնքան ցածր է, որ կարծում են, թե իրենց վրա սա չի ազդի, կամ որ սա դավադրություն է ինչ-ինչ երկրների կողմից` ընդդեմ ինչ-ինչ երկրների: Գրիպի հետ համեմատություններն ընդհանրապես ողբալի տգիտության արդյունք են և զարմանալի չէ, որ այդպիսի տգիտությամբ փայլել են արդեն նաև հայաստանցի մի շարք անվանի բժիշկներ:

Հայաստանում երկրի իշխանական վերնախավը լծվել է իրենց հանրաքվեն քարոզելու սրբազան գործին և իրականում թքած ունի առողջապահական և տնտեսական հսկայական սպառնալիքի վրա, որն առկա է: Ողջ աշխարհի առաջադեմ լրատվամիջոցներն օբյեկտիվորեն սարսափելի մանրամասներ են հաղորդում իրավիճակից: Հայաստանում ցավազրկողային թմբիրի մեջ են ինքնըկղմվել: Եվ դատելով համաշխարհային փորձից ու օրինակներից` կարելի է եզրակացության գալ և ըստ այդմ` արդեն վստահաբար թերևս պնդել, որ Հայաստանի ընդամենը մեկ հիվանդի հաստատված հանագամանքը պայմանավորված է շատ քիչ թեսթավորված անձանց քանակով:

Բազում հիվանդներ, հատկապես երեխաները, կարող են դառնալ վարակակիր և տարածել վարակը, բայց չունենալ որևէ ախտանշան: Մինչդեռ վաթսունհինգից բարձր անձինք և ոչ շատ առողջ երիտասարդները կարող են կորցնել իրենց կյանքը:

Դատապարտման են արժանի նրանք, որոնք պարսավում են կորոնավիրուսին անլուրջ վերաբերմունքի ցուցաբերման համար իշխանություններին քննադատողներին:

Հայաստանը պարտավոր է խիստ միջոցներ ձեռնարկել` հնարավոր ներհայաստանյան համաճարակը կանխելու և թույլ չտալու համար: Անհրաժեշտ է փակել բոլոր ուսումնական հաստատությունները, աշխատավայրերի մեծ մասի գործառույթները տեղափոխել տներ և սկսել գրիպի ախտանշաններ ունեցող բոլոր անձանց մասսայական տեստավորումներ:

Ծայրահեղությո՞ւն է արդյոք դա:

Իտալացիներն այսօր այլևս խոստովանեցին, որ եթե չինական մոդելով գործեին, այսօր կարիք չէր լինի ողջ երկիրն ստիպված պարալիզացնելու և ամբողջությամբ կարանտինային գոտի հայտարարելու:

Եթե այդքան վախկոտ եք, հանգստացուցիչներ խմեք: Բայց` պատրաստվեք: Միջոցներ ձեռնարկեք և կտրուկ, արմատական քայլեր կատարե՛ք: Նայեք աշխարհին: Դուրս եկեք ձեր մտահորիզոնի սահմաններից: Գոնե այս հարցում նմանակե՛ք աշխարհի փորձը և դասեր քաղե՛ք: Վաղը կարող է և ուշ լինել»:

Поделиться
Класс
Send
img8233_z4Uuk.jpeg

«Ինչո՞ւ եք ժպիտով․ Արցախն ենք կորցրել»․ լրագրողը՝ Բաբայանին. Տեսանյութ

img8230_YwBQp.jpeg

Նոր Մանրամասներ՝ Գյումրի-Երևան ավտոճանապարհին տեղի ունեցած ողբերգական ավտովթարից

img3673_AMfFd.jpeg

Դրամն արժեզրկվում է. Ներկրվող ապրանքները կտրուկ կթանկանան. Տեսանյութ

img8224_v-naP.jpeg

Բաքուն Բակո Սահակյանի սանիկին նշանակել է Արցախում հայերի ներկայացուցիչ

img8220_3Oz2D.jpeg

ՏԵՍԱՆՅՈՒԹ. Մենք ոչինչ չենք կորցրել և չենք էլ կորցնելու․ Լուսինե Բադալյան

img8212_zsECU.jpeg

Արցախում առաջին հայը նշանակվել է Ադրբեջանի ներկայացուցիչ․ Թաթուլ Հակոբյան

img8216_CWMO8.jpeg

Ֆրանսիան ռազմատեխնիկա կտրամադրի ՀՀ-ին․ Փարիզը համաձայնել է պայմանագիր ստորագրել

img8210_6uLB_.jpeg

Խոշոր ու ողբերգական ավտովթար Շիրակի մարզում. կա 3 զոհ, 7 վիրավոր

img3557_VwcH-.jpeg

Դոլարն ու ռուբլին ռեկորդային աճ հրանցեցին վերջին մի քանի ժամերի ընթացքում. ԿԲ

img8207_scEAv.jpeg

ՀՐԱՏԱՊ ԼՈՒՐ. Ադրբեջանը ձերբակալել է Բակո Սահակյանին, Արկադի Ղուկասյանին և Դավիթ Իշխանյանին

img8205_4nRqG.jpeg

Խոշոր ավտովթար՝ Արագածոտնի մարզում

img8203frssp_GcWAG.jpeg

Արցախի մի շարք բարձրաստիճան պաշտոնյաներ ժամանեցին ՀՀ. հայտնի է՝ ովքեր են