Ալիևը հայտարարել է՝ պատրաստ է մեկնել Մոսկվա Հայաստանի հետ բանակցությունների

Ադրբեջանի նախագահ Իլհամ Ալիևը հայտարարել է՝ պատրաստ է մեկնել Ռուսաստանի մայրաքաղաք Հայաստանի վարչապետ Նիկոլ Փաշինյանի հետ բանակցությունների, սակայն կասկածում է ԼՂ հակամարտության կարգավորման վերաբերյալ Երևանի կառուցողական աշխատանքի հնարավորության վրա։ Այդ մասին գրում է «Ինտերֆաքս»-ը։

«Ես նման հրավեր չեմ ստացել։ Ես մեկ անգամ չէ, որ մասնակցել եմ եռակողմ հանդիպումների՝ Ադրբեջանի, Հայաստանի ու Ռուսաստանի նախագահների մասնակցությամբ։ Նման հանդիպումներ եղել են նաև Հայաստանի նախորդ նախագահների հետ։ Ես երբեք այդ հանդիպոիմներից չեմ խուսափել»,-ասել է նա։

Ալիևն ընդգծել է, որ այդ հանդիպումները շատ դրական են, քանի որ Ռուսաստանը որպես ԵԱՀԿ Մինսկի խմբի համանախագահ առանձնահատուկ դեր է խաղում կարգավորման գործում։
Աղբյուրը նշում է, որ  Ալիև,ը հայտարարել է՝ պատրաստ  է մեկնել Մոսկվա Հայաստանի հետ բանակցությունների, «ընդ որում, ինչպես դուք եք ասում, առանց նախապայմանների»։