Ալիևն հայտնել է ՀՀ–ի ու Ադրբեջանի միջև երկաթուղու կառուցման ավարտի ժամկետը

Հայաստանի, Նախիջևանի և Ադրբեջանի միջև կապ ապահովելու համար նախատեսված երկաթուղու ադրբեջանական կողմում ճանապարհի 60 կիլոմետրը արդեն կառուցվել է։

Այս մասին այսօր` ապրիլի 26-ին, Բաքվում ՌԴ փոխվարչապետ Ալեքսեյ Օվերչուկի հետ հանդիպման ժամանակ հայտարարել է Ադրբեջանի նախագահ Իլհամ Ալիևը, նշված է Ադրբեջանի նախագահի պաշտոնական կայքում։

Ալիևը Օվերճուկի հետ հանդիպման ժամանակ խոսել է նաև նախատեսվող ավտոճանապարհի մասին ու բողոքել՝ Հայաստանը մինչ այսօր որևէ պատասխան չի տվել Ադրբեջանին, որևէ աշխատանք հայկական կողմից այս ուղղությամբ չի սկսվել, չեն ներկայացվել նույնիսկ Հայաստանի տարածքով անցնող ճանապարհի կոորդինատները, իսկ ադրբեջանական կողմում աշխատանքներն ընթանում են ըստ գրաֆիկի։