Ադրբեջանը զենքերը վայր դրեց. Հարցը լուծված է

iPress.am- Բաքուն հավանության է արժանացրել հայ-ադրբեջանական սահմանի սահմանագծման և սահմանազատման հարցով եռակողմ հանձնախումբ ստեղծելու՝ Մոսկվայի առաջարկը: Ադրբեջանական կողմը պատրաստ է Երևանի հետ կառուցողական աշխատանքին՝ հայտարարել է Ադրբեջանի վարչապետ Ալի Ասադովը՝ փոխանցում է РИА Новости-ն: Պաշտոնյան ելույթ է ունեցել Մինսկում կայացած ԱՊՀ անդամ երկրների կառավարությունների ղեկավարների նիստին:  

«Ադրբեջանը սկսել է իր սահմանամերձ ենթակառուցվածքների որոշման գործընթացը և պատրաստ է կառուցողական կերպով լուծել Հայաստանի հետ սահմանագծերի հարցը: Այս առնչությամբ Ադրբեջանը հավանության է արժանացրել հայ-ադրբեջանական սահմանի սահմանագծման և սահմանազատման հարցով եռակողմ հանձնախումբ ստեղծելու ռուսական կողմի առաջարկը: Սահմանագծերի որոշումը տեխնիկական գործընթաց է, որը պետք է հիմնված լինի միջազգային իրավական լուրջ հիմքի վրա»,-հայտարարել է Ասադովը: