Ադրբեջանի ԶՈւ–ն լրջագույն վնասված է, նրանց հույսը մնացել են վարձկանները. Հովհաննիսյան

Այսօր առավոտից թշնամու զորքրեն ու ահաբեկչական խմբավորումները, վարձկանները տարբեր ողղություններով շարունակել են հարձակողական գործողությունները հիմնականում փոքր խմբերով ՝ տեղ-տեղ կիրառելով հրետանի, որոշ տեղերում՝ մարտավարական օդուժ, մամուլի ասուլիսի ժամանակ ասաց ՀՀ ՊՆ ներկայացուցիչ Արծրուն Հովհաննիսյանը։

«Ըստ էության, օրվա ընթացքում բոլոր ուղղություններով որևէ նշանակալի դիրքային փոփոխություն տեղի չի ունեցել։ Այս պահի դրությամբ էլ մարտերը շաորւնակվում են», - ասաց նա։

Անդրադառնալով վարձու ահաբեկիչներին՝ Արծրուն Հովհաննիսյանն ասաց, որ անակնկալներ են լինելու, ինչքան էլ Թուրքիան ու Ադրբեջանը փորձեն հերքել նրանց առկայությունը: 

«Մենք շատ լավ տիրապետում ենք ամբողջական տեղեկություններին՝ որտեղ, որ տեղամասում, ինչպես է նրանց առաջադրանք տրվում, ինչ խնդիր են փորձում նրանցով լուծել ու պետք է ասել, որ նրանցով առաջին գծում կոնկրետ խնդիրների կատարման փորձերը վկայում են նաև այն մասին, որ Ադրբեջանի ԶՈՒ-ի ցամաքային պոտենցիալը լրջագույնս վնասված է, հիմնական հույսը մնացել են վարձկանները», - ասաց Հովհաննիսյանը։