Ադրբեջանցիները մեր հովիվներին ասում են՝ հետ գնացեք, հովիվներն էլ իրենց են ասում՝ հետ գնան. Ներքին Խնձորեսկի գյուղապետ

Սյունիքի մարզի Ներքին Խնձորեսկ գյուղում մեր հովիվները հաճախ են խնդիր ունենում ադրբեջանցիների հետ։ Այս մասին NEWS.am-ի հետ զրույցում պատմեց Ներքին Խնձորեսկի գյուղապետ Երվանդ Մալունցը։

«Ադրբեջանցիները մեր հովիվներին ասում են՝ հետ գնացեք, մեր հովիվներն էլ իրենց են ասում՝ հետ գնան։ Արոտավայրը կպած է սահմանին։ Հիմա կարգավորվել է, ամեն ինչ նորմալ է»,- պատմեց նա։

Անդրադառնալով GPS համակարգով տարածքների սահմանազատմանը՝ գյուղապետն ասաց. «GPS-ով են սահմանազատում իրականացնում, դա էլ չի համապատասխանում մեր քարտեզին։ Ինչն էլ որ հիմա մերը չի, էլի մերն է եղել։ Սահմանը մեծ է, ամեն օր մի ուղղությամբ զատում են իրականացնում»։

Հիշեցնենք՝ լուրեր էր շրջանառվում, թե ադրբեջանցիներն այս անգամ էլ գնացել են Ներքին Խնձորեսկ՝ GPS-ով ու քարտեզներով սահմանները ճշտելու համար։