Ազգային անվտանգության ծառայությունը հերքում է լուրն այն մասին, թե, իբր, Վարդենիսում նկատել են հայ զինվորի համազգեստով ադրբեջանցիների, ովքեր մտել են խանութ՝ առևտուր անելու։
«Տեղեկատվությունն իրականությանը չի համապատասխաոնւմ», - Aysor.am-ին հայտնեցին ԱԱԾ-ից։
Վարդենիսի քաղաքապետ Արամ Մելքոնյանը նույնպես հերքեց լուրը։
Նա ասաց, որ այս պահին դիրքում է, սակայն Վարդենիսում իրավիճակը հանգիստ է։
«Նման տեղեկատվության չեմ տիրապետում, մի քանի օր է՝ դիրքերում եմ, բայց չեմ կարծում, որ նման բան տեղի ունեցած կլիներ», - ասաց քաղաքապետը։
English
Русский
