Պետական օժանդակության 6-րդ ծրագրով քաղաքացիներին կտրվի 68․000 դրամ միանվագ օժանդակություն

Կորոնավիրուսի տնտեսական հետևանքները չեզոքացնելուն ուղղված  6-րդ միջոցառման շահառուներն այն ֆիզիկական անձինք են, ովքեր 2020թ. հունվարի 1-ից մինչև մարտի 13-ն ընկած ժամանակահատվածում մասնավոր հատվածում գրանցված աշխատող են եղել և աշխատանքից ազատվել են 2020 թ. մարտի 13-ից մինչև մարտի 30-ն ընկած ժամանակահատվածում, հայտնում են Կառավարությունից։  

Աջակցությունը տրամադրվելու է միանվագ՝ նվազագույն ամսական աշխատավարձի՝ 68․000 դրամի չափով:

Աջակցությունից չեն կարող օգտվել այն անձինք, որոնց վերջին 2 ամիսների միջին ամսական աշխատավարձը գերազանցել է 500 հազար դրամը, ունեն այլ աշխատանք, հանդիսանում են անհատ ձեռնարկատեր կամ կորոնավիրուսի տնտեսական հետևանքների չեզոքացման չորրորդ միջոցառման  շահառու են: