Վեց տարեկան երեխան հրազենային վնասվածք է ստացել ստամոքսի շրջանում քաղաքային ոստիկանության եւ հանցագործի միջև փոխհրաձգության ժամանակ, որը տեղի է ունեցել Տիխուանա քաղաքում գտնվող նրա տան մոտ, մահն արձանագրել են տեղական կլինիկայի բժիշկները:
Միջազգային լրատվակններիի տեղեկությունը փոխանցում է News.am-ը: «Երբ կրակոցները լսեցի, դուրս վազեցի բակ եւ տեսա, թե ինչպես է որդիս պառկած այնտեղ. նա այնտեղ խաղում էր իր կրտսեր եղբոր հետ, երբ ես շրջեցի նրան եւ տեսա, որ նա վիրավոր է»,- Uniradio Informa-ին ասել է երեխայի մայրը' Մոնիկա Կառասկոն:
Աղբյուրի հաղորդած տեղեկության համաձայն' ոստիկանության աշխատակիցները տուժած երեխային տեղափոխել են մոտակա մասնավոր կլինիկա, սակայն նրան չեն կարողացել փրկել:
Հաղորդվում է, որ ողբերգությունը տեղի է ունեցել այն բանից հետո, երբ իրավախախտը կողոպտել է խանութը եւ փորձել թաքնվել ոստիկանությունից տղայի տան հարեւանությամբ գտնվող տարածքում' կրակ բացելով նրանց ուղղությամբ:
Տարբեր վարկածների համաձայն' գնդակը կարող էր արձակվել ինչպես փոխհրաձգության արդյունքում մահացած հանցագործի, այնպես էլ Տիխուանայի քաղաքային ոստիկանության աշխատակիցների կողմից:
Քաղաքապետը ցավակցություն է հայտնել արդարադատություն պահանջող մահացածի ընտանիքին եի հույս է հայտնել, որ դատախազությունը կբացահայտի հանցագործության պատասխանատուներին: Հետաքննության ընթացքում չորս ոստիկան հեռացվել է ծառայությունից:
English
Русский
