5,3 մագնիտուդով երկրաշարժ է գրանցվել

Խորվաթական Զագրեբում 5,3 մագնիտուդով երկրաշարժ է գրանցվել, հաղորդում է Associated Press գործակալությունը:

Երկրաշարժի էպիկենտրոնը եղել է Զագրեբից 7 կիլոմետր հյուսիս՝ 10 կմ խորությամբ: Ստորերկրյա ցնցումները զգացվել են տեղական ժամանակով 06:23-ին:

Նախնական տեղեկություններով, զոհեր չկան: Ականատեսները  Զագրեբում զգալի վնասների մասին են պատմում, մի քանի փողոցներում աղյուսի կույտեր են առաջացել, որոնք թափվել են վնասված շենքերից: Սոցցանցերում հրապարակվում են քարակույտերի տակ մնացած ավտոմեքենաների լուսանկարներ: Վնասվել է նաեւ Զագրեբի տաճարը՝ ավերվել է երկու գմբեթներից մեկը:

Առաջին ցնցումից հետո գրանցվել են առնվազն եւս երկու ցնցումներ, հաղորդում է Associated Press-ը:

Ավելի ուշ լուր տարածվեց այն մասին, որ 15 ամյա մի պատանի գտնվում է ծանր վիճակում, եւս մի քանի մարդ ստացել է վնասվածքներ: