Օլիմպիական խաղերի հնգակի չեմպիոնը հրդեհի հետևանքով կորցրել է տունն ու ոսկե մեդալները

Հնգակի օլիմպիական չեմպիոնը կորցրել է բոլոր մեդալները և իր տունը։ Կալիֆոռնիայում տուժել է լողորդ Գերի Հոլ կրտսերը, որը երեք Օլիմպիական խաղերում անընդմեջ նվաճել էր ոսկե մեդալներ։ Նրա բոլոր մրցանակները ոչնչացել են հրդեհի հետևանքով, ինչպես նաև իր բնակարանը։

Այրվել է նաև «Գոլդեն Սթեյթ Վորիորս» թիմի գլխավոր մարզչի տունը։ Հրդեհի վտանգավոր գոտիներից տարհանված հարյուրավոր ընտանիքների թվում են նաև «Կլիպերսի» աստղ Կավայ Լեոնարդի և «Լեյքերսի» մարզիչ Ջեյ Ջեյ Ռեդիկի հարազատները։

Միացյալ Նահանգների գլխավոր առաջնություններում խաղերն արդեն հետաձգվում են։ NHL-ը տեղափոխել է «Լոս Անջելեսի» և «Կալգարիի» միջև հանդիպումը, իսկ NBA-ն պատրաստվում է նույնը անել «Լեյքերսի» հաջորդ խաղի համար։

Կան կանխատեսումներ, որ հրդեհը կարող է հասնել նաև «Ռոուզ Բոուլ» մարզադաշտին, որտեղ 1994 թ. ֆուտբոլի աշխարհի առաջնության վճռորոշ խաղերն են կայացել։