Փաշինյանն հայտնեց, թե ինչու է թշնամին կրակում Սոթքի վրա

Այսօր ժամը 06։00-ի սահմաններում Ադրբեջանի Զինված ուժերի ստորաբաժանումները հրետանային զենքերից ինտենսիվ կրակ են բացել ՀՀ Գեղարքունիքի մարզի Սոթք բնակավայրում տեղակայված մարտական դիրքերի վրա՝ հարվածներ հասցնելով ՀՀ ինքնիշխան տարածքին։ Այս մասին քիչ առաջ կառավարության նիստին հայտարարեց ՀՀ վարչապետ Նիկոլ Փաշինյանը։

«Այս պահի դրությամբ ակտիվ հրետակոծության ինտենսիվությունը որոշակիորեն նվազել է Հայաստանի բանակի ադեկվատ ու արդյունավետ պատասխան գործողություններից հետո։ Մեր կողմից կան 4 վիրավորներ, որոնց շուտափույթ ապաքինում եմ մաղթում։

Ադրբեջանի գործողությունները սադրիչ են ու այլոց շարքում նպատակ ունեն զրոյացնել այն առաջընթացը, որ գրանցվել է մայիսի 1-ից 4-ը Վաշինգտոնում։

Այսօրվա սադրանքը նպատակ ունի նաև խաթարել կիրակի օրը Բրյուսելում եռակողմ ֆորմատով, իսկ հունիսի մեկին հնգակողմ ֆորմատով նախատեսված բանակցությունները։

Փորձը ցույց է տալիս, որ բանակցությունները Ադրբեջանին միայն հարկավոր են էսկալացիայի պատճառաբանություն ստանալու համար»,- հավելեց նա։