Փաշինյանի կոչը.Տեսանյութ

ՀՀ վարչապետ Նիկոլ Փաշինյանն այսօր Ազգային ժողովում եզրափակիչ ելույթում հանդես եկավ կոչով, որը ԱԺ ամբիոնից կրկնեց մի քանի անգամ:

«Ուշադրություն, խոսում է ՀՀ վարչապետ Նիկոլ Փաշինյանը:

Սիրելիʹ հայրենակիցներ, ՀՀ-ում կորոնավիրուսի համաճարակ է, բոլորիդ կոչ ենք անում կրել դիմակներ և դրանք հանել միայն սնվելիս: Դիմակը պետք է կրել այնպես, որ այն փակի ձեր քիթը և բերանը: Պարբերաբար ախտահանեք ձեր ձեռքերը և չախտահանված ձեռքերով մի՛ դիպեք ձեր դեմքին: Պահպանեʹք մեկուկես մետր սոցիալական հեռավորություն և բացառեʹք առանց դիմակի շփումը ձեր անդամ չհանդիսացող անձանց հետ:

Սիրելիʹ հայրենակիցներ, կրեʹք դիմակներ և դրանով կփրկեք հարյուրավոր կյանքեր: Դիմակներն անհրաժեշտ է փոխել 3-4 ժամը մեկ: Կարող եք օգտագործել ոչ միայն գործարանային արտադրության դիմակներն, այլև՝ ձեր կողմից պատրաստված դիմակներ: Այս համաճարակից ելքը կախված է մեկ մարդուց, և այդ մեկ մարդը դու ես»,- ելույթի ժամանակ ասաց վարչապետը: