Ցավալի լուր. Մահացել է Լևոն Ներսիսյանը

Մահացել է  «Ա․Դ․ Սախարովի անվան մարդու իրավունքների պաշտպանության հայկական կենտրոն» ՀԿ տնօրեն Լևոն Կոնստանտինի Ներսիսյանի մահվան մասին։  Այս մասին հայտնում է «Ա. Դ. Սախարովի անվան մարդու իրավունքների պաշտպանության հայկական կենտրոն» ՀԿ աշխատակազմը։

Լևոն Ներսիսյանը 1993 թվականից  ՀԿ-ի տնօրենն էր։ Կազմակերպությունը նրա անմիջական ղեկավարությամբ և նախաձեռնությամբ իրականացրել է բազմաթիվ ծրագրեր՝ Հայաստանի Հանրապետությունում մարդու իրավունքների պաշտպանության, քաղաքացիների իրավագիտակցության բարձրացման և սոցիալապես անապահով խմբերին աջակցություն ցուցաբերելու ուղղությամբ։

Կազմակերպության ողջ անձնակազմն իր ցավակցությունն ու զորակցությունն է հայտնում Ներսիսյան ընտանիքին, հարազատներին և ընկերներին այս ծանր կորստի կապակցությամբ: Համբերություն ու տոկունություն ենք մաղթում մեզ բոլորիս և նրա թողած կիսատ գործը նույն ոգով շարունակելու հաստատակամություն։

Լևոն Ներսիսյանի հիշատակը միշտ վառ կմնա բոլորիս սրտերում․․․

Թող Աստված լույսերի և խաղաղության մեջ պահի նրա հոգին