Վրաստանում ուժգին երկրաշարժ է տեղի ունեցել

Վրաստանում երկրաշարժ է տեղի ունեցել. երկրի Սեյսմիկ մոնիտորինգի ազգային կենտրոնի տվյալներով՝ էպիկենտրոնը գրանցվել է Ռաչայում՝ Օնի քաղաքից 10 կմ հեռավորության վրա, Իրի գյուղի մոտ:

Երկրաշարժի ուժգնությունը կազմել է 4,2 մագնիտուդ, հաղորդում է InterPressNews-ը։ Փոխանցում է Tert.am-ը։

Հունիսի 16-ին Վրաստանում չորս երկրաշարժ էր գրանցվել. Ստորգետնյա ցնցումների էպիկենտրոնը գտնվել է նաև Օնի քաղաքից հարավ-արևելք ընկած Իրի և Բաջիխևի գյուղերի մոտ։

Առաջին երկրաշարժի ուժգնությունը կազմել է 3,8, երկրորդինը՝ 4,7, երրորդինը՝ 4,4, չորրորդինը՝ 3,3 մագնիտուդ։