Խոշոր ավտովթար՝ Գեղարքունիքի մարզում. Վարորդներից մեկը եղել է ոչ սթափ և ավտոմեքենա վարելու իրավունք չի ունեցել

Խոշոր ավտովթար՝ Գեղարքունիքի մարզում. Վարորդներից մեկը եղել է ոչ սթափ և ավտոմեքենա վարելու իրավունք չի ունեցել

Հասարակական Ipress 2024-06-15 12:00:00 444
Հետևեք մեզ՝ Telegram-ում
xoshor-avtovtar-1_7ZoIY.jpg

Այսօր՝ հունիսի 15-ին, խոշոր ավտովթար է տեղի ունեցել Գեղարքունիքի մարզում։

Ժամը 07։00-ի սահմաններում Երևան-Սևան-Իջևան ավտոճանապարհի 79 կմ հատվածում բախվել են Տավուշի մարզի բնակիչ 22-ամյա Ելենա Մակարյանի վարած «Mercedes» մակնիշի և Լոռու մարզի բնակիչ 46-ամյա Արամ Ավետիսյանի վարած «ՎԱԶ 21099» մակնիշի ավտոմեքենաները։

Ինչպես հայտնում է ֆոտոլրագրող Գագիկ Շամշյանը, վթարի հետևանքով Ա․ Ավետիսյանը տեղափոխվել է «Սևան» բժշկական կենտրոն։

Փրկարարները նախ վիրավորին պատգարակով մոտեցրել են օպերատիվորեն ժամանած «Սևան» բժշկական կենտրոնի շտապօգնության ավտոմեքենային, ապա հոսանքազրկել են «Mercedes»-ը և փակել 2 ավտոմեքենաների գազաբալոնների փականները։

Գ․ Շամշյանի տեղեկություններով՝ վարորդները տեղում ենթարկվել են սթափության փորձաքննության, «Mercedes»-ի վարորդը եղել է ոչ սթափ և չի ունեցել ավտոմեքենա վարելու իրավունք։

Քննիչի հանձնարարականով ավտոմեքենաները տեղափոխվել են ոստիկանության Սևանի բաժնի պահպանվող հատուկ տարածք։

Поделиться
Класс
Send