Պուտինին կարող է փոխարինել երիտասարդ գնդապետ

Lragir.am- Պուտինին ապագայում կարող է փոխարինել երիտասարդ գնդապետ, ինչպիսին իր կառավարման սկզբում եղել է Ռուսաստանի գործող նախագահը։ Այս մասին հայտարարել է ռուս իրավապաշտպան եւ բլոգեր Մարկ Ֆեյգինը, տեղեկացնում են ուկրաինական զլմ-ները։

«Դրանում որեւէ կասկած չկա: Գլխավոր մարմինը Ռուսաստանի ԱԴԾ (ՖՍԲ) կոլեգիան է, որի մեջ մտնում են բոլոր ղեկավարները: Իհարկե, նրանք, իհարկե, կարող են նման ծրագրեր կազմել: Իսկ եթե Պուտինը վաղը մահանա՞: Եվ այդպիսի գնդապետի կարիք կլինի, ահա թե ինչն է հարցը», ասել է նա։

Ֆեյգինը հավելել է, որ Ռուսաստանի լայնամասշտաբ ներխուժումն Ուկրաինա ցույց է տվել ռազմական ղեկավարության՝ մասնավորապես պաշտպանության նախարարության և գլխավոր շտաբի ղեկավարների վախկոտությունը։ Խոսքը Շոյգուի ու Գերասիմովի մասին է։

Նշենք, որ ռուսական կուլուարներում քննարկվում է այն հարցը, որ Պուտինի ներկայիս ամենավստահելի մարդը՝ ԱԽ քարտուղար Պատրուշեւը, որը համակարգում է հատուկ ծառայությունները, զբաղված է իր որդուն՝ «երիտասարդ գնդապետին» Պուտինի ժառանգորդ դարձնելու լոբբինգով։ ՌԴ-ում իշխանության խնդիրները միշտ եղել են «օխրանկայի» գերակայության ներքո։