Պուտինը հայտարարել է միջուկային զենք օգտագործելու մասին

ՌԴ նախագահ Վլադիմիր Պուտինը հայտարարել է Ռուսաստանում մասնակի մոբիլիզացիայի մասին: Այդ մասին նա ասել է այսօր առավոտյան՝ դիմելով ժողովրդին:

«Խոսքը մասնակի մոբիլիզացման մասին է: Այսինքն, զինվորական ծառայության կանցնեն նրանք, ովքեր ներկայումս գտնվում են պահեստազորում: Առաջին հերթին կզորակոչվեն հատուկ զինվորական որակավորում ունեցող զինված ուժերի զինծառայողները»,- ընդգծել է Ռուսաստանի նախագահը:

Նա նաև նշել է, որ Ռուսաստանի պաշտպանության համար երկրի բանակը կօգտագործի բոլոր զենքերը.

«Մեր տարածքային ամբողջականությանը սպառնացող վտանգի դեպքում մենք կօգտագործենք բոլոր կրակային ուժերը, այդ թվում՝ միջուկային զենքը, սա բլեֆ չէ»: