Ռուսաստանի նախագահ Վլադիմիր Պուտինն այսօր առանձին հանդիպումներ կունենա Ղազախստանի, Բելառուսի և Ղրղզստանի ղեկավարների հետ, ովքեր Մոսկվա են ժամանել ՀԱՊԿ գագաթնաժողովին մասնակցելու համար, այս մասին լրագրողներին հայտնել է ՌԴ նախագահի մամուլի քարտուղար Դմիտրի Պեսկովը, փոխանցում է РИА Новости-ն: Գագաթնաժողովից առաջ Պուտինը հանդիպել է Տաջիկստանի նախագահի հետ։
«Պուտինը կշարունակի հանդիպումների շարքը, մասնավորապես, երկկողմ հանդիպում կլինի Ղազախստանի նախագահի, Բելառուսի նախագահի և Ղրղզստանի նախագահի հետ», - ասել է Պեսկովը։ Հիշեցնենք, որ գագաթնաժողովին մասնակցում է նաև ՀՀ վարչապետ Նիկոլ Փաշինյանը: