Ռուսական լրատվամիջոցներում տեսանյութ է տարածվել, որտեղ նշվում է, որ գիշերը ՌԴ նախագահ Վլադիմիր Պուտինի կորտեժը շտապ ժամանել է Կրեմլ:
Նախնական տեղեկություններով՝ նա պատրաստվում է հայտարարությամբ հանդես գալ:
Ինքնահռչակ Լուգանսկի Ժողովրդական Հանրապետության Սևերոդոնեցկ քաղաքը գտնվում է ռուսական զորքերի և ԼԺՀ-ի աշխարհազորայինների լիակատար վերահսկողության ներքո, հայտարարել է ՌԴ պաշտպանության նախարարության պաշտոնական ներկայացուցիչ Իգոր Կոնաշենկովը, հայտնում է interfax.ru-ն։
«ԼԺՀ-ի ժողովրդական միլիցիայի ստորաբաժանումները ռուսական զորքերի աջակցությամբ՝ բանակի գեներալ Սերգեյ Սուրովիկինի հրամանատարությամբ, հաջող հարձակողական գործողությունների արդյունքում ամբողջությամբ ազատագրել են Լուգանսկի Ժողովրդական Հանրապետության Սևերոդոնեցկ և Բորովսկոյե քաղաքները, Վորոնովո և Սիրոտինո բնակավայրերը:
Այսպիսով, «Սևերոդոնեցկի ազոտ» ձեռնարկության արդյունաբերական գոտին դիմադրության համառ կենտրոնի վերածելու հակառակորդի փորձը խափանվել է: Ներկայում այդ ձեռնարկության տարածքը վերահսկում են ԼԺՀ ժողովրդական միլիցիայի ստորաբաժանումները», — ասել է ՌԴ ՊՆ պաշտոնական ներկայացուցիչը:
Նա հայտարարել է, որ այս պահին Սևերսկի Դոնեցների ամբողջ ձախափնյա տարածքը ԼԺՀ-ի սահմաններում անցել է նրա լիակատար վերահսկողության տակ։
English
Русский
