Ռուսաստանի լիբերալ-դեմոկրատական կուսակցության հիմնադիր և առաջին նախագահ Վլադիմիր Ժիրինովսկին պարզապես ականավոր քաղաքական գործիչ չէր, նրա «մարգարեությունները» հիմնված էին գիտելիքների և իրավիճակի իմացության վրա, հայտարարել է ՌԴ նախագահ Վլադիմիր Պուտինը Պետդումայի խմբակցությունների ղեկավարների հետ հանդիպմանը։ Այս մասին գրում է ՌԻԱ «Նովոստի»-ն:
«Վլադիմիր Վոլֆովիչը պարզապես ականավոր քաղաքական գործիչ չէր մեր երկրում, այլ նաև շատ բազմակողմանի զարգացած, մեծ, խորը գիտելիքներով անձնավորություն։ Դա է պատճառը, որ նրա որոշ մարգարեություններ իրականանում են։ Դրանք օդից չեն,հիմնված չեն ինչ-որ խաղաքարտերի վրա, այլ գիտելիքների, իրավիճակի զարգացման, այդ իրավիճակների զարգացման հեռանկարների վրա»,- ասել է Պուտինը։
Նախագահը նշել է, որ ամենակարևորն այն է, որ Ժիրինովսկին հայրենասեր էր, և նրա ողջ գործունեությունը հիմնված էր հենց այդ հայրենասիրության վրա։
Ժիրինովսկին մահացել է ապրիլի 6-ին ծանր և երկարատև հիվանդությունից հետո։
Նշենք, որ նախկինում Ժիրինովսկին կանխատեսել էր Ուկրաինայում ՌԴ-ի հատուկ ռազմական գործողության օրն ու ժամը:
English
Русский
