Պուտինը Ասադին կտեղեկացնի Էրդողանի հետ բանակցությունների մասին

Ռուսաստանի նախագահ Վլադիմիր Պուտինը իր սիրիացի գործընկեր Բաշար Ասադին կտեղեկացնի Թուրքիայի նախագահ Ռեջեփ Թայիփ Էրդողանի հետ բանակցությունների արդյունքների մասին։

«Այո»,- պատասխանել է ՌԴ նախագահի մամուլի քարտուղար Դմիտրի Պեսկովը ՏԱՍՍ-ի թղթակցի այն հարցին, թե կտեղեկացնի արդյոք Պուտինն Ասադին բանակցությունների արդյունքների մասին։

Մոսկվայում Ռուսաստանի եւ Թուրքիայի նախագահների միջեւ բանակցությունները, որոնց կենտրոնական հարցը սիրիական Իդլիբում իրավիճակն էր, մոտ վեց ժամ են տեւել, թեեւ սկզբնապես դրանց համար չորս ժամ էր տրամադրված։ Բանակցությունները, ինչպես նշել է ՌԴ նախագահը, հեշտ չէին, սակայն «դրական ավարտ ունեցան»։