ՊՆ-ն հաստատում է՝ թշնամին 95 հայ զինծառայողի դի է փոխանցել Հայաստանին

Պաշտպանության նախարարությունը լրատվամիջոցներին հաստատել է, որ թշնամին 95 հայ զինծառայողի դի է փոխանցել Հայաստանին:

Ադրբեջանը սեպտեմբերի 20- ին Հայաստանին է փոխանցել  ևս 95 հայ զինծառայողի դի։ Այդ մասին փոխանցում է Интерфакс-Азербайджан-ը։

Ինչպես հայտնել են երկրի Ռազմագերիների, պատանդների եւ անհայտ կորածների հարցերով զբաղվող պետական հանձնաժողովից, հայ զինծառայողների մարմինները մյուս կողմին հանձնելու գործընթացը կշարունակվի:

Հիշեցնենք, որ  սեպտեմբերի 17-ին Բաքուն Երևանին էր փոխանցել 32 հայ զինծառայողի դի։