Պանդեմիայի պայմաններում պատերազմելն անհնար եմ համարում

Պանդեմիայի պայմաններում պատերազմելն անհնար եմ համարում

Հասարակական Ipress 2020-04-12 20:13:00 345
gd_kzBh7.jpg

«Պանդեմիան ունենալու է՝ ինչպես տնտեսական, այնպես էլ՝ լուրջ քաղաքական հետևանքներ»,- 168.am-ի հետ զրույցում ասաց վրացի քաղաքական վերլուծաբան Սոսո Ցինցաձեն՝ անդրադառնալով տարածաշրջանում նոր տեսակի կորոնավիրուսի տարածմամբ ստեղծված իրավիճակին։

Ցինցաձեն ասաց, որ, ի տարբերություն Իրանի, որտեղ կորոնավիրուսային հիվանդությունը ներթափանցել է ամիսներ առաջ և ներկայումս տարածման պիկային փուլը ետևում է մնացել, Վրաստանը, Հայաստանն, Ադրբեջանն ու Թուրքիան նոր են սկսում առերեսվել հիվանդության տարածման բարդ փուլին,  և տպավորություն է, որ դժվարությունները դեռ առջևում են։

Ըստ վերլուծաբանի՝ դեպքերն այստեղ նոր են սկսվում լայն տարածում գտնել, ուստի շատ կարևոր է  իրավիճակի կառավարումը։

«Բոլոր երկրներում կամ իշխանություններն իրենք են խոստովանում, կամ ցուցանիշներն ու այլ տեղեկություններն են ցույց տալիս, որ իրավիճակն անվերահսկելի է դառնում, որը լի է առաջին հերթին՝ տնտեսական, ինչպես նաև քաղաքական մարտահրավերներով։

Կարծում եմ՝ տնտեսության մասին շատ  է խոսվում, բոլորն են հասկանում, որ ողջ աշխարհի համար  է բարդ փուլ սկսվելու կորոնավիրուսի դեմ պայքարից հետո,  որոշ տնտեսագետներ համաշխարհային ճգնաժամ են կանխատեսում, ոմանք կարծում են, որ բանը դրան չի հասնի։

Այդուամենայնիվ,  մենք այսօր չգիտենք, թե երբ կնահանջի այս հիվանդությունը և դեռ ինչ հետևանքներ կթողնի մեր ապագա կյանքի՝ տնտեսական վիճակի վրա։ Պարզից էլ պարզ է, որ   բարդ փուլ է սկսվում մեր երկրների համար, սակայն  մեր երկրներում հետագա քաղաքական իրադրությունը կախված է լինելու նրանից, թե իշխանություններն ինչպես կկարողանան հաղթահարել  ճգնաժամը, կարծում եմ՝ սա փորձություն է բոլոր իշխանությունների համար, և ժողովուրդները դրանք գնահատելու են այս փուլից հետո և բոլոր քայլերին արձագանքելու են այս ամենից հետո։

Բնականաբար, մենք հասկանում ենք նաև, որ սա անխուսափելի իրավիճակ է՝ անխուսափելի հետևանքներով, բայց ինչպես ցույց է տվել աշխարհի պատմությունը, շատ իշխանությունների քաղաքական ապագան են կանխորոշել նման էպիդեմիկ և ծանր իրավիճակները, քանի որ ոչ բոլոր ղեկավարներն են կարողանում կողմնորոշվել կամ արդար, մարդասիրական որոշումներ կայացնել։ Ինչ խոսք, պատասխանատվությունը միայն իշխանություններինը չէ, նաև ընդդիմությանը, և ընդդիմությունների պետականամետ դիրքորոշումն է այս փուլում գնահատվելու։

Սա  բարդ փուլ է նաև միջազգային հարաբերությունների համար, քանի որ միջազգային օրակարգը մինչև պանդեմիան բավականին լարված էր, հիմա աշխարհում կարծես «հրադադար» է հայտարարված, բայց չէ՞ որ դա այդքան էլ այդպես չէ իրականում, և  կան երկրներ, գերտերություններ, որոնք փորձում են դիվիդենտներ քաղել ստեղծված իրավիճակից, օգնություններ ուղարկել։ Բայց կարծում եմ, որ սա որևէ կերպ չի փոխելու այն աշխարհակարգը, որը կար մինչև պանդեմիան, թեև պանդեմիան իր հերթին՝ փոխելու է աշխարհակարգը, բայց ոչ օգնություն ուղարկող երկրների օգտին»,- ասաց Սոսո Ցինցաձեն։

Անդրադառնալով հակամարտությունների գոտիներում հնարավոր զարգացումներին՝ Ցինցաձեն ասաց, որ պանդեմիայից առաջ աշխարհի ամենաթեժ կետն Իդլիբում էր, որտեղ բախվում էին աշխարհի գերտերությունները և որտեղ իրավիճակը ևս թուլացավ էապես։

«Սա ի՞նչ է նշանակում, որ հնարավոր չէր շարունակել պատերազմն այնպես, ինչպես դա անցյալում էր, քանի որ սա այլ բնույթի մարտահրավեր է և ազդում է նաև պատերազմական ծրագրերի վրա, ուստի չեմ կարծում, որ այս փուլում նման զարգացումներ հնարավոր են, դա տեխնիկապես անհնար է։ Ես դա հնարավոր չեմ համարում»,- նման կարծիք հայտնեց Ցինցաձեն։

Поделиться
Класс
Send
img9853_p6vFz.png

«21-րդ դարի ստրկությունը՝ թրաֆիքինգը». հարցազրույց թրաֆիքինգի ռիսկերի իրազեկման հարցերով փորձագետի հետ

img9599_1b73J.jpeg

ԲԱՑԱՌԻԿ ՏԵՍԱՆՅՈՒԹ՝ դեպքի վայրից․ Ինչպես են 2-ամյա Տիգրանին դուրս բերել գետից

img9592_KEyLs.jpeg

ԲԱՑԱՌԻԿ ՏԵՍԱՆՅՈՒԹ․ էջմիածնում 26-ից ավելի դանակի հարվածներով տղամարդ են uպանել ու գումար շաղ տվել վրան. կասկածյալը որդին է

img9523_PVv5T.jpeg

Տուժած երեխայի մայրը ծեծել է համագյուղացի կնոջն ու որդուն․ նոր մանրամասներ Մխչյանի դպրոցի դեպքից

img9514_eseIA.jpeg

Կասկածելի հետք է նկատվել գետում. Բացառիկ

img9505_IX1ti.jpeg

Ես պարտաճանաչ, խեղճ, խելոք ու առանց թիկունքի ուսուցիչ եմ եղել, դրա համար էլ այս օրն եմ ընկել

img9503_zEYm1.jpeg

Երեխաներին կապկպել են դպրոցի զուգարանում, թմրանյութ տվել․ սարսափելի դեպք՝ Մխչյանում. Տեսանյութ

img9490_YDznQ.jpeg

Հնարավոր է՝ որոշում կայացվի երեխային առաջին դասարան ընդունել 7 տարեկանում․ ԿԳՄՍ նախարար

img9489_g7rEm.jpeg

Ուժգին քամին պոկել է տանիքը, խփել 36 շաբաթական հղիին. երեխան ծնվել է ճակատի վնասվածքով

img9470_XplnK.jpeg

Զանգել երեխայի լացի ձայն են միացրել ու անջատել․ ինչ է պատմում Տիգրանի պապիկը

img9443_a7mVN.jpeg

Հովիվը գետում մարմին է հայտնաբերել

img9438_T8Nmp.jpeg

Գումար, փաստաթղթեր, ամեն ինչ վառել են, դա միայն թուրքը կաներ. Այնթապում տան դուռը փակել և հրկիզել են