Պատվիրակության ուղեկցող մեքենան, որի կազմում էր ՌԴ դեսպան Ալբերտ Խորևը, պայթել է Պակիստանում ականի պայթյունից, հայտնել է Իսլամաբադում Ռուսաստանի դիվանագիտական ներկայացուցչությունը Telegram-ի իր ալիքում։
«Մինգորա քաղաքից հյուրանոց տանող ճանապարհին ականի հետևանքով պայթել է ավտեմեքենան, մի քանի ոստիկան մարմնական վնասվածք է ստացել, դիվանագիտական կորպուսի ներկայացուցիչները չեն տուժել»,- ասվում է հաղորդագրության մեջ:
Ինչպես պարզաբանել են դեսպանատանը, կիրակի Խորևը մի քանի երկրների դեսպանների պատվիրակության կազմում մասնակցել է Խայբեր Փախտունխվա նահանգի Սվաթ հովտում զբոսաշրջության զարգացման ֆորումին։
Միջոցառումը կազմակերպել է Իսլամաբադի Առևտրաարդյունաբերական պալատը։
English
Русский
