Չինաստանում կառուցել են խոզերի համար նախատեսված երկնաքեր (լուսանկարներ)

Չինաստանի Հուբեյ նահանգի Էչժոու քաղաքում 26 հարկ բարձրությամբ արտասովոր խոզանոց են կառուցել։ Ակնկալվում է, որ տարեկան մեկ միլիոն խոզ կմորթվի ֆերմայում, հաղորդում է The Guirdian-ը:

Փորձագետների տվյալներով՝ Չինաստանը տարեկան օգտագործում է 55 մլն տոննա խոզի միս։ Սակայն երկրի բնակչության բարձր խտության պատճառով ավանդական ֆերմաների կառուցումն անհնար է։ Արդյունքում չինացիները լուծում գտան՝ ուղղահայաց խոզանոց։

Խոզերի համար նման երկնաքերի հիմնական խնդիրը գոմաղբի հեռացումն է։ Ընդամենը մեկ օրում աշխատողները պետք է գոմաղբից մաքրեն մինչև 120 հազար խորանարդ մետր։

Մասնագետները որոշել են, որ գոմաղբը որպես կենսավառելիք կօգտագործեն խոզանոցը տաքացնելու համար։ Միակ բանը, որ դեռ անհանգստացնում է ֆերմերներին, հոտն է, որը տարածվելու է ողջ տարածքում։