ՈՒՂԻՂ. Վերջին հրաժեշտն են տալիս մայոր Գարուշ Համբարձումյանին

ՈՒՂԻՂ. Վերջին հրաժեշտն են տալիս մայոր Գարուշ Համբարձումյանին

Հայ-ադրբեջանական պետական սահմանագոտու հյուսիսարևելյան հատվածում հակառակորդի արձակած կրակից մահացու վիրավորում են ստացել զինծառայողներ մայոր Գարուշ Վեմիրի Համբարձումյանը և կապիտան Սոս Փայլակի Էլբակյանը:

Գարուշ Համբարձումյանը Լոռու մարզի Բազում գյուղից էր, ծնված` 1989 թվականին։

2016 թվականի օգոստոսի 8-ին դեռևս կապիտան Գարուշ Համբարձումյանը ընդգրկված էր ՀՀ ԶՈՒ «Լավագույն սպաներն ու հրամանատարները» շարքում։ Նրա մասին մասնավորապես գրել էին. «Կապիտան Գարուշ Համբարձումյանը (այն ժամանակ դեռեւս կապիտան էր — խմբ.) ավարտել է ՀՀ ՊՆ Վ. Սարգսյանի անվան ռազմական համալսարանը: Ստացել է սակրավորի մասնագիտություն և լեյտենանտի զինվորական կոչում ու նշանակվել ՀՀ ՊՆ N զորամասի ինժեներասակրավորային դասակի հրամանատար: Իսկ 2015թ.-ին նշանակվել է ՀՀ ՊՆ N զորամասի ինժեներասակրավորային վաշտի հրամանատար:

Գարուշ Համբարձումյանը անձնակազմի նկատմամբ խստապահանջ է, օժտված կազմակերպչական ունակութուններով: Սիրելով իր մասնագիտությունը, նա ամենօրյա քրտնաջան աշխատանքի շնորհիվ ձեռք է բերել բավարար գիտելիքների պաշար հավուր պատշաճի իրականացնելու իր ծառայողական պարտականությունները:

Բազմիցս խրախուսվել է հրամանատարության կողմից»: