Թարմացված.Որ բանկերն են հետաձգել մարումները

Թարմացված.Որ բանկերն են հետաձգել մարումները

Հասարակական Ipress 2020-03-17 20:40:00 4785
Հետևեք մեզ՝ Telegram-ում
nnr_0CfcM.jpg

Կորոնավիրուսի տարածումը կանխարգելող միջոցառումներին միացան մի շարք բանկեր և վարկային կազմակերպություններ, որոնք, խուսափելով բանկի մասնաճյուղերում մարդկանց կուտակումներից, առաջարկում են կամ «վարկային արձակուրդ», կամ հորդորում են վճարումներն անել անկանխիկ տարբերակով:

 

«Մոգո» ՈՒՎԿ-ն  ավտովարկ վերցրած քաղաքացիներին առաջարկում է մարտ ամսվա մարումները տեղափոխել ապրիլ ամիս՝ առանց լրացուցիչ վճարների:

«Հայբիզնեսբանկ»-ն առաջարկում է օգտվել առցանց բանկային ծառայություններից և անկանխիկ վճարամիջոցներից, որնք մեծ հասանելիություն ունեն, սակայն հետաձգման մասին ինֆորմացիա դեռևս չկա:

Կանխարգելող միջոցառմանը միանալով՝ «Արդշինբանկ»-ն իր հերթին հորդորում է օգտվել ստեղծված բանկային գործարքների իրականացման բազմաթիվ տարբերակներից, որոնց միջոցով հնարավոր է 24/7 ռեժիմով իրականացնել կոմունալ վճարումներ, փոխանցումներ, վարկերի մարումներ, ավանդների համալրում, արժույթի փոխանակում առանց Բանկ այցելելու:

«Ամերիաբանկ»-ն, առհասարակ, հետաձգում է վճարումների ժամկետները: Մարտի 13-ից մինչև մայիսի 13-ը ֆիզիկական անձ և անհատ ձեռնարկատեր հանդիսացող բոլոր անձինք կարող են չկատարել իրենց վարկերի հերթական մարումները, ներառյալ` մայր գումարները, հաշվեգրված տոկոսները, սպասարկման և այլ վճարները, ինչը չի հանգեցնի որևէ բացասական հետևանքի: Բանկի հայտարարությունը բոլոր մանրամասներով կարող եք կարդալ այստեղ:

«IDBank»-ն էլ խորհուրդ է տալիս գործարքները կատարել հեռահար տարբերակով, ավելին՝ սովորեցնել մեծահասակներին օգտվել օնլայն համակարգերի օգտագործելու ձևերը:

Նշենք որ այս հարցը բարձրաձայնվեց ընդդիմադիր ուժերի պատգամավորների կողմից: «Լուսավոր Հայաստան» կուսակցության նախագահ Էդմոն Մարուքյանը խնդրին անդրադառնալուց բացի, գրավոր նամակ է ուղարկել Կենտրոնական բանկի նախագահ Արթուր Ջավադյանին: 

Նամակով առաջարկվում էր Հայաստանի Հանրապետությունում գործող առևտրային բանկերի հետ անհապաղ քննարկել կորոնավիրուսի համաճարակի տարածման և կանխարգելիչ միջոցառումների հետևանքով տուժող տնտեսվարողների, այդ թվում՝ անհատ ինքնազբաղված քաղաքացիների վարկային պարտավորությունների հաշվարկն ու վճարումը ժամանակավորապես կասեցնելու հարցը, առնվազն, 3 ամիս ժամկետով իրականացնել այս առաջարկությունը:

Կորոնավիրուսի հետ կապված ստեղծված իրավիճակով պայմանավորված Արդշինբանկը տեղեկացնում է

1. հյուրատնային, ռեստորանային, տրանսպորտի, զվարճանքի ոլորտում գործող մեր գործընկեր իրավաբանական անձ հաճախորդներին, որոնց եկամուտները (հասույթները) նվազել են իրենցից անկախ հանգամանքների բերումով, որի հետևանքով դժվարացել է վարկային պարտավորությունները պայմանագրին համապատասխան կատարելը, կարող են դիմել Արդշինբանկում իրենց սպասարկող պատասխանատուներին՝ վարկային պարտավորությունների հետ կապված անհատական մոտեցում ստանալու համար:

2. ֆիզիկական անձ, անհատ ձեռներեցներ հաճախորդները վարկային պարտավորությունների գծով երկու ամսվա ընթացքում՝ մինչև մայիսի 15-ը, հերթական մարումները և վճարներ չիրականացնելու դեպքում չեն համարվելու ժամկետանց և հետևաբար տույժ, տուգանքներ չեն հաշվարկվելու:

Միաժամանակ, եկամուտ ստացող բոլոր քաղաքացիներին հորդորում ենք հնարավորության դեպքում իրականացնել իրենց վարկերի գծով վճարները, որպեսզի երկու ամիս հետո առավելագույնս խուսափեն ապագա վճարումների բեռը ավելացնելուց:

Բանկը վերահսկվում է ՀՀ կենտրոնական բանկի կողմից:

Հաշվի առնելով նոր կորոնավիրուսի տարածմամբ երկրում ստեղծված իրավիճակն ու հոգ տանելով հաճախորդների մասին՝ IDBank-ը որոշում է կայացրել ս․թ․ մարտի 17-ից ապրիլի 17-ը ֆիզիկական անձ իր հաճախորդներին հնարավորություն տալ վարկային մարումներն իրականացնել ազատ գրաֆիկով՝ իրենց հարմար ժամանակ։ Նշված ժամանակահատվածում վարկային պարտավորությունների չկատարման դեպքում վարկառուի նկատմամբ, տույժ և տուգանք չի կիրառվի, վարկը չի դասակարգվի, իսկ վարկառուի վարկային պատմությունը չի տուժի։

Այն իրավաբանական անձանց նկատմամբ, ում գործունեությունը կապված է հյուրատնային, ռեստորանային, տրանսպորտի, զվարճանքի ոլորտների հետ և ովքեր կորոնավիրուսով պայմանավորված կունենան վարկային մարումները ժամանակին կատարելու խնդիրներ, Բանկը կցուցաբերի անհատական մոտեցում։

Վարկերի մարումներն իրականացնելու խնդիրների դեպքում իրավաբանական անձ հանդիսացող մեր հաճախորդներին խնդրում ենք կապ հաստատել մեզ հետ [email protected] էլփոստի հասցեով, նամակի subject տողում նշելով «Վարկային մարումների հետաձգում», իսկ նամակում մանրամասն նկարագրելով կորոնավիրուսով պայմանավորված Ձեր անվճարունակության հետ կապված իրավիճակը։ Մեր մասնագետները կապ կհաստատեն Ձեզ հետ։

Միաժամանակ, այն հաճախորդներին, որոնք ունեն ֆինանսական մուտքեր և հնարավորություն, հորդորում ենք վարկային պարտավորությունները կատարել ժամանակին, հետագա վարկային բեռը չծանրացնելու նպատակով՝ օգտվելով հեռահար սպասարկումից՝ IDBanking.am հարթակի, Idram հավելվածի, ինչպես նաև IDBanking 24/7 տերմինալների միջոցով, որոնց ցանկին կարող եք ծանոթանալ այստեղ։

Վարակի կանխարգելման նպատակով վճարումները խանութներում և սպասարկման կետերում իրականացնել անկանխիկ եղանակով, քանի որ թղթադրամները կարող են վիրուսի փոխանցման աղբյուր հանդիսանալ։ Այդ մասին նախազգուշացնում է Առողջապահության համաշխարհային կազմակերպությունը։

Այնուամենայնիվ, Բանկի մասնաճյուղերը գործում են բնականոն գրաֆիկով, խստորեն պահպանվում են Առողջապահության նախարարության բոլոր ցուցումները։

Поделиться
Класс
Send
erexa_bkaIV.jpg

Նոր մանրամասներ՝ 2-ամյա տղա երեխայի մահվան դեպքից

hasmandamutyun_zwdYI.jpg

Փետրվարի մեկից կփոխվեն հաշմանդամության խումբ սահմանելու չափորոշիչները

surb-sargis_nVtbk.jpg

Այս տարի երբ է նշվելու Սուրբ Սարգիս զորավորի տոնը

06bacbc7-5fc3-407e-8da3-65a612f8adc7_8jxmG.jpeg

«Մահվանդ պահին ուժեղ մկանային ցնցում եմ ապրել, հազիվ էի կարողանում շնչել»․ զոհված զինվորի հոր հուզիչ նամակը՝ որդուն

bd40d16d-c0aa-4437-833a-a646cdf94253_ucQSA.jpeg

Զինծառայող է վիրավորվել. Նրա Վիճակը ծայրահեղ ծանր է

avet_1d22p.jpg

Ինչ գերշքեղ նվեր է տվել Ավետ Բարսեղյանը Նազենի Հովհաննիսյանին

sofi-devoyan_EjLUT.jpg

Սոֆի Դևոյանի լողազգեստով գերշքեղ հանգիստը Դուբայում

malatia-1_IAaUQ.jpg

30 տարի էս տոնավաճառին բան չէր պատահել ու հանկարծ ինքը եկավ ու որոշեց, որ պատահելու է

rubli_iSSqR.jpeg

Ռուբլու և դոլարի նոր փոխարժեքներ սահմանեց Կենտրոնական բանկը

malatia_661wK.jpg

«Մալաթիա» տոնավաճառի գործունեությունը կկասեցվի. առևտրականները զայրացած են. ՏԵՍԱՆՅՈՒԹ

papikyan-1_fz70o.jpg

ՊՆ-ն պարզաբանում է Սուրեն Պապիկյանին վերագրվող առանձնատան տեղեկությանը

vraert_wsiT-.jpg

Մահվան ելքով վրաերթ․ Վարորդը ոչ սթափ վիճակում վրաերթի է ենթարկել հետիոտնին, վերջինս տեղում մահացել է