Որոշել էի ավագ դստերս ծննդյան օրը սափրվել․ Նիկոլ Փաշինյան

Araratnews.am-ը գրում է․ Ես անկեղծ մի բան ասեմ, ինձ համար անսպասելի էր, որ այդ հարցը այդքան լայն արձագանք ստացավ։ Ես հասկացա, որ ամենատարբեր ձևով քննարկումներ կային և ինչ որ ձևով  ես դա պետք է բացատրեմ։ Այս մասին այսօր՝ նոյեմբերի 22-ին հանրային ՀԸ-ը տված հարցազրույցի ժամանակ ասաց վարչապետ Նիկոլ Փաշինյանը  պատասխանելով, թե ինչու որոշվեց թրաշվի հարցին։

«Երբ ես որոշեցի, որոշեցի օրը, որոշեցի, որ ավագ դստերս ծննդյան օրն եմ դա անելու, չնայած հիմա, որ եթեր գնա մյուս դուստրերս հարց են դնելու, թե ինչու իր ծննդյան օրը, ոչ թե մեր»,- ասաց նա։

Վարչապետը նշեց, որ 2018 թվականին երբ  ստանձնեց վարչապետի պաշտոնը հենց առաջին վարկյանից,  եղել են տեղեկատվական հոսքեր, որոնք իրենց հետ բերել են  ավելի շատ հարցեր քան պատասխաններ․ « Հարցերի շատ մեծ խումբ կար, որ պատասխանը ես չունեի և ակնհայտ էր ինձ համար, որ ես շատ դժվարություններ եմ ունենալու այդ հարցերի պատասխանները ինքս ինձ տալու։ 2020 թվականի պատերազմից հետո ես գործնականում ամեն օր քնել և արթնացել եմ ինքս ինձ ուղղված հարցերով ։

Եվ եթե ես ինքս ինձ ուզում եմ հոգեբանական և ենթագիտակցական վերլուծության ենթարկել, թե ես ինչի այդ որոշումը կայացրեցի՝  ինձ համար պատասխանը հստակ է և միանշանակ, ես այդ որոշումը կայացնելու պահին ինքս ինձ հարցեր այլևս չունեմ  և այդ որոշումը կայացնելու պահին իմ բարձրացրած բոլոր հարցերի պատասխանները ես ինձ տվել եմ»։