Նոր պատերազմ Մերձավոր Արևելքում. ժամանակահատվածը հայտնի է

Իսրայելը կարող է հուլիսի երկրորդ կեսին ցամաքային գործողություններ սկսել Լիբանանի հարավում գտնվող «Հեզբոլլահ» շարժման դեմ, պնդում է Bild թերթը՝ վկայակոչելով դիվանագիտական աղբյուրները։

Ըստ նրանց՝ «Իսրայելը ցամաքային գործողություն կսկսի  հուլիսի երրորդ կամ չորրորդ շաբաթում»։

Պարբերականը հիշեցրել է, որ ավելի վաղ մի քանի պետություններ իրենց քաղաքացիներին կոչ էին արել անհապաղ հեռանալ Լիբանանից։ «Մենք չենք կարող բացառել իրավիճակի հետագա սրումը և հակամարտության ընդլայնումը», – ասվում է հրապարակման մեջ։

Հեզբոլլահի զինյալների և իսրայելական բանակի միջև վերջին հակամարտությունը տեղի է ունեցել 2006 թվականի ամռանը հարավային Լիբանանում: ՄԱԿ-ի Անվտանգության խորհրդի 1701 բանաձևը սահմանին հրադադար է սահմանել, որը վերահսկում են 36 պետության 12000 խաղաղապահ։