Նոր զենքը սկսում է ազդել պատերազմի ընթացքի վրա․ Զելենսկի

Ուկրաինայի նախագահ Վլադիմիր Զելենսկին գիշերային տեսաուղերձում ասել է, որ արևմտյան դաշնակիցներից ստացված հրետանին և հրթիռային կայանքները սկսել են ազդել պատերազմի ընթացքի վրա։

«Վերջապես, զգացվում է, որ արևմտյան հրետանին շատ հզոր է աշխատել, այն զենքը, որը մենք ստացել ենք մեր գործընկերներից: Դրա ճշգրտությունն իսկապես այն է, ինչ անհրաժեշտ է: Մեր պաշտպանները շատ զգայուն հարվածներ են հասցնում պահեստներին և այլ կետերին, որոնք կարևոր են զավթիչների նյութատեխնիկական ապահովման համար: […] Զավթիչների կորուստներն աճում են ամեն շաբաթ, ինչպես նաև նրանց մատակարարման խնդիրները»,- ասել է Զելենսկին։

Վերջին շաբաթների ընթացքում բազմաթիվ աղբյուրներ հաղորդել են ռուսական զորքերի թիկունքում զինամթերքի պահեստների մի քանի պայթյունների մասին: Ենթադրվում է, որ դա ուկրաինացիների ստացած ամերիկյան հեռահար HIMARS բազմակի հրթիռային համակարգերի աշխատանքն է։