Մեր երեխաներին վերջապես պետք է ազատ, անկախ և խաղաղ Հայաստան ժառանգենք. Ալեն Սիմոնյան

Մեր երեխաներին վերջապես պետք է ազատ, անկախ և խաղաղ Հայաստան ժառանգենք․ Ալեն Սիմոնյան

Քաղաքական Ipress 2023-09-21 12:33:00 270
Հետևեք մեզ՝ Telegram-ում
img7716t324_8l0dt.jpeg

Սիրելի՛ հայրենակիցներ, այսօր մենք նշում ենք Հայաստանի Հանրապետության անկախության 32-րդ տարեդարձը՝ ապրելով մեր պատմության ամենածանր ժամանակահատվածներից մեկը: Մեր երկիրը, պետականությունը լուրջ մարտահրավերների առաջ է կանգնած, որոնք պետք է այսօր հաղթահարենք:

Այս մասին իր ֆեյսբուքյան էջում գրառում է կատարել ՀՀ ԱԺ նախագահ Ալեն Սիմոնյանը:

«Մենք պետք է շարունակենք պինդ, համախմբված, սկզբունքային և հավատով լցված գնանք առաջ, պահենք, ամրացնենք մեր պետականությունը, մեր անկախությունը, անվտանգությունն ու մեր երեխաներին վերջապես ազատ, անկախ և խաղաղ Հայաստան ժառանգենք: 

Ես վստահ եմ, այո՛, վստահ եմ, որ կկարողանանք ինչպես բազմիցս ապացուցել ենք, որ երբ միասնական ենք՝ կարող ենք անել անհավանականը, այժմ նույնպես մենք կհաջողենք: Մեր հավատով դեպի մեր ուժերը, մեր սկզբունքայնությամբ, մեր միասնականությամբ, մեր սիրով դեպի Հայաստանի Հանրապետություն մենք սա էլ կանցնենք:

Սարսափելի հարվածների մեջով ենք անցնում վերջին տարիներին, և մեր ժողովուրդը և պետականությունը կանգուն պահում: Վճարում անմարդկային բարձր գին, ամեն օր մենք միասին նորից ու նորից գնում առաջ, միասին պայքարում մեր երկրի և մեր ժողովրդի համար, մեր ապագայի համար:

Արդյո՞ք այն ամենը, ինչ մենք տեսանք այս տարիներին ու այն, ինչ վերապրում ենք հիմա, չի հուշում մեզ՝ բոլորիս, որ մենք՝ մեզանից յուրաքանչյուրը և բոլորս միասին, պատահականություն չէ: Այո՛, այս ամենը պատահական չէ և չի կարող լինել. սա մեր՝ բոլորիս, առաքելությունն է:

Մենք պետք է միասին, ի հեճուկս բոլոր արհավիրքների, շարունակենք մեր առաքելությունը, այն է՝ ապագա կերտենք մեր հավերժ ժողովրդի, մեր պետության և պետականության համար. ես դա տեսնում եմ, ես դա գիտեմ, ես դրան հավատում եմ: 

Ուստի այսօր՝ Հայաստանի Հանրապետության անկախության 32-րդ տարեդարձին, պետք է լինենք պինդ, գիտակից և միասնական, հավատանք հայ մարդուն, հայ մարդու իմաստությանը, հավատանք մեզ և մեր ուժերին: Վճռական և վստահ միասին գնանք առաջ, հանուն հայ ժողովրդի, հանուն Հայաստանի Հանրապետության և մեր երեխաների, հանուն մեր անկախության և ինքնիշխանության ամրացման:

Շնորհավոր անկախությանդ օրը, մեր հավերժակա՛ն Հայաստան:

Փառք մեր նահատակներին, որոնք ընկան, որ մենք ապրենք: 

Սիրում եմ բոլորիդ, հպարտանում եմ ձեզանով և հավատում եմ քեզ, իմ իմաստուն Հայ ժողովո՛ւրդ»,- գրել է նա:

Поделиться
Класс
Send
img0164_XYlmi.jpeg

Ադրբեջանն ազատ է արձակում 32 հայ զինծառայողների, Հայաստանը՝ 2 ադրբեջանցի զինծառայողների

img6679_QATpV.jpeg

Կենտրոնական բանկը թարմացրեց փոխարժեքները

img0152_w8J1v.jpeg

«Բոլորն ուզում էին ուշքի բերել՝ չկարողացան». Ենթադրում են, որ երեխայի սիրտը վախից է կանգնել. ՏԵՍԱՆՅՈՒԹ

img0150_yZacZ.jpeg

Արտակարգ դեպք. ընտանիքի 9 անդամներ, այդ թվում՝ երեխաներ, տեղափոխվել են հիվանդանոցներ

img5281_fo1sB.jpeg

24 ժամ ջուր չի լինի. Պատրաստվեք

img0145_N3wU8.jpeg

Գագիկ Սուրենյանը գրառում է կատարել

img0141_Nu9Oj.jpeg

ՏԵՍԱՆՅՈՒԹ. Բաքվի դպրոցներից աշակերտներին տարհանում են

img3186_g9pZC.jpeg

Կանանց ծեծկռտուք՝ Երևանում, մեկը ստացել է գանգուղեղային վնասվածք. վեճի պատճառն ավելներն են

img0113_AgK9E.jpeg

ԲԱՑԱՌԻԿ ՏԵՍԱՆՅՈՒԹ հղի կնոջը վրաերթի ենթարկելու դեպքից

img9107_sUJgw.jpeg

7-8 բալ հզորությամբ ուժգին երկրաշարժ Ադրբեջանում. ցնցումները զգացվել են ՀՀ տարածքում ևս. Տեսանյութ

img0136_nTcMx.jpeg

Կոտրվել են երկու ոտքերս. Նաիրի Հոխիկյան

img9553_4BwAV.jpeg

Սպասվում է տեղումներ