Հրապարակվել են լուսանկարներ տեղի ունեցած պայթյունի վայրից,որի հետևանքով երեխա է մահացել

Այսօր՝ օգոստոսի 1-ին, արտակարգ դեպք է տեղի ունեցել Շիրակի մարզում։ Ժամը 06։15-ի սահմաններում ՀՀ Ներքին գործերի նախարարության փրկարար ծառայության 9-11 ճգնաժամային կառավարման ազգային կենտրոն ահազանգ է ստացվել, որ Ոսկեհասկ գյուղում պայթյուն, փլուզում է տեղի ունեցել։

Տեղում պարզվել է, որ դեռևս անհայտ հանգամանքներում նշված գյուղի 1-ին փողոցի տներից մեկում է տեղի է  ունեցել պայթյուն, փլուզում

Փրկարարները փլատակների տակից դուրս են բերել երեխայի դին։

Օպերատիվորեն ժամանել են «Գյումրի» բժշկական կենտրոնի շտապօօգնության բժիշիկների հերթապահ խումբը, ովքեր տեղում հերթապահություն են իրականացնում։

Դեպքի մասին ոստիկանության Ախուրյանի բաժնից տեղեկությունը փոխանցել են ՀՀ Քննչական կոմիտեի Շիրակի մարզային քննչական վարչություն և վարչության պետ Աղասի Իսահակյանի հանձնարարականով արդեն ժամանում է քննչական խումբը, ինչպես նաև փորձաքրեագետները։

Փլուզման հետևանքով վնասվել է նաև տան բակում կայանված «Volkswagen» մակնիշի ավտոմեքենան, տունն էլ ամբողջությամբ, կարելի է ասել, վերածվել է փլատակի։

Ոստիկանությունն ու պարեկային ծառայությունը ունեն օպերատիվ տեղեկություններ, որ դեպքի վայրից շտապօգնության բժիշկները քաղաքացիների են տեղափոխել հիվանդանոց։

Դեպքի փաստով ՀՀ Քննչական կոմիտեի Շիրակի մարզային քննչական վարչությունում նախաձեռնվել է քրեական վարույթ։

Ոստիկանությունն ու քննչական վարչությունը պարզում են տան սեփականատիրոջ, մահացածի և վիրավորների ինքնությունը և թե ինչ հանգամանքներում է տեղի ունեցել պայթյուն-փլուզումը։