Հորեղբայրը կացնով կտրել է աղջիկա մատները` բջջային հեռախոսը կոտրելու պատճառով

Արտակարգ ու սահմռկեցուցիչ դեպք է տեղի ունեցել: Բուրյաթիայում քրեական գործ է հարուցվել տեղի բնակչի նկատմամբ, ով հարբած վիճակում կացնով կտրել է 5-ամյա երեխայի մատները' բջջային հեռախոսը կոտրելու պատճառով: 5-ամյա աղջիկը հոր և հորեղբոր հետ գնացել է խոտհունձի։

Կեսօրին անձրև է տեղացել, և տղամարդիկ որոշել են սպասել անտառում ու սկսել են խմել: Երեխային ինչ-որ բանով զբաղեցնելու համար հորեղբայրը նրան է տվել իր բջջային հեռախոսը: Աղջիկն այն անզգշությամբ վայր է գցել ու վնասել։ Հարբած հորեղբայրը երեխային ստիպել է վնասված հեռախոսը դնել կոճղի վրա, և կացնով կտրել երեխայի 2 մատը:

Հայրը երեխային հասցրել է տուն, որտեղից նրան տեղափոխել են հիվանդանոց:

Բժիշկերին հաջողվել է փրկել փոքրիկի մատներից մեկը։ Գիշերը երեխայի 45–ամյա հորեղբայրը, ով նախկինում դատված է եղել, վերադարձել է միջադեպի վայր, որտեղից նրան բերման են ենթարկել։ Տղամարդու նկատմամբ հարուցվել է քրեական գործ: