ՀՀ ՄԻՊ Արման Թաթոյանը հրապարակել է տեսանյութ, որում երևում է, թե ինչպես է ադրբեջանական կողմից Արցախի դեմ կռվող զինյալներից մեկը ներկայանում և ցույց տալիս պատերազմի դաշտում ընկած զինվորների մարմիններ: Թաթոյանը գրում է, որ «նրանք արտահայտում են բացահայտ մտադրություններ շարունակելու իրենց ահաբեկչական գործունեությունն այլ երկրներում»:
«Անհերքելի ապացույց այն մասին, որ՝
1) Ադրբեջանն Արցախի բնակչության դեմ զինված հարձակումներում օգտագործում է վարձկան-ահաբեկիչների.
2) այս վարձկան-ահաբեկիչները կատարում են դաժանություններ և պատերազմական հանցագործություններ.
3) նրանք արտահայտում են բացահայտ մտադրություններ շարունակելու իրենց ահաբեկչական գործունեությունն այլ երկրներում»,- ֆեյսբուքյան իր էջում գրել է Մարդու իրավունքների պաշտպանը։
Տեսանյութում, որը կարող եք դիտել հետևյալ հղմամբ, երևում են զինծառայողների մարմիններ, թույլ նյարդեր ունեցող անձանց հորդորում ենք չդիտել այն:
English
Русский
